升班6分波科隆強搶凱沙

　　之選！頭炮推介德乙爭升班大戰，凱沙羅頓主場對科隆，兩個直接升班席位，基本上已成哈化柏林及布倫瑞克囊中物，餘下一個附加賽資格屬於凱、科之爭。兩隊今季走勢相反，凱沙羅頓

　　德乙冠亞軍可直上德甲，季軍需同德甲尾三球隊踢兩回合附加賽，哈化柏林及布倫瑞克已拋離其他對手超過十分，升班席位好穩陣。

　　凱沙羅頓原屬升班大熱，開季後一度保持16場不敗，但歇冬後走晒樣，近6仗僅1勝，上仗被護級分子辛特侯遜逼和，仲被科隆搶走第三位。球員狀態每況愈下，實在令人懷疑佢哋有冇爭升班決心。理論上凱軍應該趁地利全力爭取贏今場「六分波」，反超前對手，但以佢哋目前頹勢，畀唔到人信心。

　　反觀科隆踢到着晒火，近15場聯賽錄得9勝6和，其中9場更保持清白之身，表現攻守兼備。難得由困境之中殺番上前三，點都谷埋啖氣，重返德甲。科隆上仗即使缺少射手安東尼烏查，一樣贏波，證明全隊士氣及信心處於巔峰，所向披靡之勢，今仗安東尼烏查復出，勝算更加高。形勢上科隆領先凱沙羅頓一分，唔輸都有着數，可以採取穩守突擊，凱軍更難咬得入佢哋。